Төв аймгийн прокурорын газраас санаачлан, аймгийн Хүний эрхийн Үндэсний Комисстой хамтран шүүхийн шийдвэр гүйцэтгэх ерөнхий газрын харьяа 415 дугаар нээлттэй, хаалттай хорих анги, 417 дугаар нээлттэй хорих анги, аймгийн Шүүхийн шийдвэр гүйцэтгэх газрын алба хаагчдад “Хүний эрх болон эрүүдэн шүүх ойлголт” сэдвийн хүрээнд сургалт зохион байгууллаа.

Ерөнхий боловсролын 1, 2 дугаар сургуулийн ахлах ангийн сурагчдад хүрээлэн буй орчинд хог хаягдал нь хэрхэн сөргөөр нөлөөлдөг, хог хаягдлыг ангилж хаяснаар экосистемд хэрхэн эерэг нөлөөтэй талаар экологийн мэдлэг олгох сургалт зохион байгууллаа.

Прокурорын байгууллагаас зохион байгуулж буй “Хамгаалсан байгаль-Бидний ирээдүй” нөлөөллийн арга хэмжээний хүрээнд Төв аймгийн прокурорын газраас, аймгийн Цагдаагийн газар, Засаг даргын тамгын газар, Байгаль орчны газар, Татварын газар, Хөдөлмөр халамж үйлчилгээний газруудтай хамтран Заамар сумын нутаг дэвсгэрт ашигт малтмалын хайгуул, ашиглалтын тусгай зөвшөөрөл эзэмшигч 12 аж ахуй нэгж, 11 бичил уурхайн үйл ажиллагаа холбогдох хууль, журмаар тогтоосон хэм хэмжээнд нийцэж байгаа эсэхтэй танилцжээ.

Прокурорын байгууллагаас 2026 оны 5 дугаар сарын 22-ны өдрийн байдлаар Эрүүгийн хуулийн 22 дугаар бүлэгт заасан Авлигын гэмт хэрэгт яллагдагчаар татагдсан 263 хүнд холбогдох 114 хэрэгт яллах дүгнэлт үйлдэж, шүүхэд шилжүүлсэн байна.

СОГТУУРСАН ҮЕДЭЭ ЖОЛОО БҮҮ БАРЬ!